اسلام آباد اور کراچی کے درمیان مقابلہ آج ہوگا

پاکستان سپر لیگ کے تحت آج ایونٹ کا 14 واں میچ اسلام آباد یونائٹیڈ اور کراچی کنگز کے درمیان کھیلا جائے گا۔  میچ مقامی وقت کے مطابق شام 7 بجے راولپنڈی کرکٹ اسٹیڈیم میں ہو گا۔ سیزن فائیو میں دونوں ٹیموں کا یہ پہلا مقابلہ ہے تاہم دونوں ٹیمیں اب تک سیزن 3 میں 2 مرتبہ اور سیزن فور میں تین مرتبہ ایک دوسرے سے پنچہ آزمائی کرچکی ہیں۔ ان میں صرف ایک مرتبہ کراچی اور 4 مرتبہ اسلام آباد یونائٹیڈ کو کامیابی حاصل ہوئی۔ اس طرح کراچی کنگز کے مقابلے میں اسلام آباد یونائٹیڈ  کا پلہ بھاری ہے۔  اسلام آباد یونائٹیڈ آج کے میچ میں ڈیوڈ ملان اور کراچی کنگز بابر اعظم جیسے تجربہ کار بیٹسمین اور تجربہ کار بالزز فہیم اشرف اور جیرئس جارڈن پر انحصار کرے گی۔ ڈیوڈ ملان کا تعلق انگلینڈ سے ہے وہ آل راؤنڈر ہیں۔ بائیں ہاتھ سے بیٹنگ اوربائیں ہاتھ سے بولنگ کرتے ہیں۔ وہ رائٹ آرم لیگ اسپینر ہیں۔ آئی سی سی رینکنگ میں وہ ٹی 20 فارمیٹ میں چھٹی پوزیشن پر ہیں۔ بابر اعظم پی ایس ایل میں کراچی کنگز کے بیٹسمین ہیں۔  دائیں ہاتھ سے بیٹنگ کرتے ہیں۔ وہ رائٹ آرم آف بریک کرانے کے ماہر ہیں۔ آئی سی سی رینکنگ کے لحاظ سے ٹی سے وہ ٹی 20 میں پہلی، او ڈی آئی میں تیسری اور ٹیسٹ میں چھٹی پوزیشن پر ہیں۔ اسلام آباد یونائٹیڈ کے بالر فہیم اشرف بائیں ہاتھ کے بلے باز ہیں اور دائیں ہاتھ سے ہی بالنگ کراتے ہیں۔ ٹی 20 میں ان کی 26 ویں اور او ڈی آئی میں 72 ویں پوزیشن ہے۔ چیئرئس جارڈن رائٹ آرم فاسٹ میڈیم بالر ہیں۔ آئی سی سی رینکنگ میں ٹی 20 فارمیٹ میں ان کی 10 ویں پوزیشن ہے۔ مذکورہ کھلاڑیوں کے علاوہ اسلام آباد یونائٹیڈ کے اسکواڈ میں شاداب خان، لیوک رونکی، عماد بٹ، آصف علی، طلعت حسن، محمد موسیٰ، رضوان حسین، ڈیل اسٹین، کولنگ انگرام، کولنگ منرو، رومان رئیس، ظفر گوہر، فلسالٹ ، عاقب جاوید، سیف بابر احمد اور سیفی عبداللہ شامل ہیں۔ اسی طرح کراچی کنگز کے اسکورڈ میں شامل ہیں : عماد وسیم، محمد رضوان، افتخار احمد، محمد عامر، عامر یامیں، اسامہ میر، عمر خان، ایلکس ہیلز، شرجیل خان، کیمرون ڈلپورٹ، علی خان، زائد محمود، چاڈوک والٹن، عمین آصف، مچل میکناگن، اویل ضیا اور ارشد اقبال شامل ہیں۔ 

from کھیل - وائس آف امریکہ https://ift.tt/38dIqQ2