ٹوکیو اولمپکس، ایک سال پہلے ہی 32 لاکھ ٹکٹس فروخت

اولمپکس گیمز کے آغازسے ایک سال پہلے ہی اس کے اب تک 32 لاکھ ٹکٹس فروخت ہوچکے ہیں جبکہ مزید  2 لاکھ افراد نے ٹکٹوں کی خریداری کے لئے درخواست دی ہے۔ ٹکٹوں کی بڑے پیمانے پر خریداری ظاہر کرتی ہے کہ دنیا بھر میں پھیلے کھیلوں کے شائقین ان گیمز کے حوالے سے ابھی سے پرجوش نظر آرہے ہیں۔ سال 2020 کے اولمپک گیمزٹوکیو میں 24 سے شروع ہوکر 9 اگست تک جاری رہیں گے۔ انٹرنیشنل اولمپک کمیٹی کے صدر تھامس بک نے نیشنل اولمپک کمیٹی کو باقاعدہ دنیا بھر کے ایتھیلیٹس کوان کھیلوں میں شرکت کے لئے علامتی دعوت نامے بھی جاری کردیئے ہیں۔ ان ممالک میں یونان، چین، فرانس، امریکہ، سینیگال، آسٹریلیا اور خود جاپان شامل ہے۔ ادھرگزشتہ روز کھیلوں میں کامیاب کھلاڑیوں کو دیئے جانےوالے میڈلزکی ایک تقریب میں باقاعدہ رونمائی ہوئی۔ اس موقع پر انٹرنیشنل اولمپک کمیٹی کے صدر تھامس بک کا کہنا تھا کہ ایک سال بعد جاپان کی تاریخ میں ایک نئے باب کا اضافہ ہوگا۔ جاپان کو دنیا بھر کی میزبانی کا شاندار اور منفرد موقع مل رہا ہے۔ ان کا مزید کہنا تھا کہ ان کھیلوں کے ذریعے جاپان کی صدیوں پرانی تاریخ اور روایات، معاشرے کی جدت طرازی، ثقافت، مہمان نوازی اور کھیلوں سے محبت کے اظہار کا بھرپور موقع ملے گا۔

from کھیل - وائس آف امریکہ https://ift.tt/2LG4dJn