بریگزٹ : تھریسا مے کا لیبرپارٹی سے رجوع کا فیصلہ

بریگزٹ پر کسی حتمی نتیجے پر نہ پہنچنے کے باعث برطانوی وزیر اعظم نے لیبر پارٹی کے اہم رہنما جیرمی کوربن سے ملاقات کا فیصلہ کیا ۔ہے ۔ یورپی یونین سے الگ ہونے کے معاملے پر برطانوی وزیراعظم اب تک تین تجاویز ایوان میں پیش کرچکی ہیں جو مسترد ہوتی رہی ہیں ان کی اپنی پارٹی کنزریٹو میں بھی اس معاملے پر اختلافات سامنے آئے تھے ۔ برطانوی وزیر اعظم نے کسی قابل عمل نتیجے پر پہنچنے کے لئے اب لیبر پارٹی کے اہم رہنما سے ملاقات کا فیصلہ کیا یہ ملاقات بدھ کو متوقع ہے تھریسا مے کے اس اقددام سے ان کی پارٹی میں اختلافات بڑھنے کے خدشات بھی پیدا ہو گے ہیں ۔ فارمولے کے تحت گذشتہ جمعے کو برطانیہ نے یورپی یونین سے الگ ہونا تھا جس کا فیصلہ تین سال قبل رائے شماری کے زریعے ہوا تھا تاہم یہ کن شرائط پر ہوگا یہ معاملہ ابھی بھی حل طلب ہے اب اس کے لئے 12 اپریل تک کی مہلت ہے ۔ تھریسا مے نے لیبر پارٹی سے رابطے کا اعلان کیا جو یورپی یونین سے مکمل طور پر الگ ہونے کی بجائے مشترکہ  کسٹم یونین کی حد تک تعلق رکھنے کے حامی ہیں ۔ بریگزٹ کے معاملے پر متعدد تجاویز برطانوی پارلیمینٹ کے سامنے وزیر اعظم تھریسا مے کی جانب سے پیش کی جا چکی ہیں جنہیں اب تک مسترد کیا جاتا رہا ہے ۔ کزریٹو پارٹی کے بہت سے اراکین بھی برطانوی وزیر اعظم کو اس معاملے پر شدید تنقید کا نشانہ بناتے رہے ہیں ۔ بریگزٹ ہے کیا ؟ 23 جون 2016 کو برطانیہ میں ہونے والے ایک ریفرنڈم کے نتیجہ میں 52 فیصد برطانوی شہریوں نے یورپی یونین سے الگ ہونے کی رائے دی تھی ۔  یہ معاملہ سالہا سال سے برطانیہ میں زیر بحث تھا برطانیہ میں ایک طبقے کی یہ رائے تھی کہ یورپی یونین کے ساتھ الحاق ملک کے مفاد میں ہے جبکہ ایک رائے یہ تھی کہ برطانیہ کو الگ رہ کر زیادہ فائدہ ہو گا۔ یورپی یونین سے الگ ہونے کے عمل کے لئے دو سال کا عرصہ مقرر کیا گیا تھا جس کی مدت 29 مارچ 2019مقرر کی گئی بعد ازاں اس میں 12 اپریل تک توسیع کر دی گئی ۔   برطانیہ کی لیبر پارٹی یورپی یونین سے مکمل طور پر علیحدگی کی بجائے جزوی طورپر الگ ہونے کی حامی ہے اس کے مطابق بعض تجارتی معاملات پر مضبوط یورپی بلاک کے ساتھ منسلک رہنا برطانیہ کے مفاد میں ہے ؛ یورپی یونین سے برطانوی انخلا کی شرائط کیا ہوں گی یہ معاملہ تاحال حل طلب ہے ۔ اس معاملے پر برطانیہ میں شدید بے چینی پائی جاتی ہے کچھ اراکین پارلیمینٹ نے معاملے کو حل نہ کرنے پر برطانوی وزیر اعظم کے استعفے کا بھی مطالبہ کر رکھا ہے ۔            

from دنیا - وائس آف امریکہ https://ift.tt/2WGuwAP