پاکستان اور بھارت کسی مزید فوجی اقدام سے گریز کریں: پینٹاگان

ایک بیان میں پینٹاگان نے کہا ہے کہ اس صورت حال کے بارے میں شناہان نے اعلیٰ امریکی فوجی حکام سے بات کی ہے قائم مقام امریکی وزیر دفاع پیٹرک شناہان نے بھارت اور پاکستان کے درمیان کشیدگی میں کمی لانے پر دھیان مرکوز کر رکھا ہے، اور دونوں پر زور دیا ہے کہ وہ مزید فوجی اقدام سے گریز کریں۔ یہ بات بدھ کے روز پینٹاگان کے ایک بیان میں کہی گئی ہے۔ بیان میں یہ نہیں بتایا گیا آیا اُنھوں نے اِن ملکوں کے کسی ہم منصب سے بات کی ہے۔ ایک بیان میں پینٹاگان نے کہا ہے کہ اس صورت حال کے بارے میں شناہان نے اعلیٰ امریکی فوجی حکام سے بات کی ہے۔ بیان میں مزید کہا گیا ہے کہ ’’قائم مقام سیکریٹری شناہان کا دھیان تناؤ میں کمی لانے پر مرتکز ہے اور وہ دونوں ملکوں پر زور دے رہے ہیں کہ وہ مزید فوجی اقدام سے اجتناب کریں‘‘۔        

from امریکہ - وائس آف امریکہ https://ift.tt/2U97Nwg