ملتان کی پشاور زلمی کے خلاف بیٹنگ جاری، 7 کھلاڑی آؤٹ

پاکستان سپر لیگ کے تحت ایونٹ کا 14 واں میچ پشاور زلمی اور ملتان سلطانز کے درمیان شارجہ میں کھیلا جارہا ہے ۔ ٹاس پشاور زلمی نے جیتا اور فیلڈنگ کا فیصلہ کیا جس کے بعد ملتان سلطانز کی بیٹنگ جاری ہے ۔ ملتان سلطانز کی اننگز کا آغاز عمر صدیق اور ونسے نے کیا ۔ پہلا ہی اوور جاری تھا کہ ایک رنز پرہی ونسے آؤٹ ہوگئے۔ انہیں حسن علی نے بولڈکیا۔ ٹیم کا مجموعی اسکور 81 ہوا تو عمر صدیق 20رنز بناکر آؤٹ ہوگئے جبکہ عمر صدیق کی جگہ لینے والے بیٹسمین چارلس نے کریز پر پہنچتے ہی دھواں دار شارٹس کھیلنا شروع کردیئے۔ انہوں نے کھل کر کھیلا اورچھکے چوکے لگاتے ہوئے53رنز بنائےلیکن اگلا رن بنانے سے پہلے ہی انہیں عمید آصف نے امام الحق کے ہاتھوں کیچ کرادیا۔ 15 اوورز کے اختتام پر ملتان سطالن کا اسکور تین وکٹ کے نقصان پر 117رنز تھا ۔ شعیب ملک 15 اور کرسچین 17رنز پر کھیل رہے تھے۔ 16 ویں اوور میں کرسچین 17 رنز پر آؤٹ ہوئے اور یوں ملتان سلطان کی 118 رنز پر چوتھی وکٹ گرگئ۔ ان کی جگہ شاہد آفریدی نے لی۔ 18 ویں اوور تک ملتان سلطان نے چار کھلاڑیوں کے نقصان پر 140 رنز بنالئے تھے۔ شعیب ملک  22 اور آفریدی 14 رنز پر کھیل رہے ہیں۔ انیسویں اوور کی پہلی بال پر شعیب ملک 22رنز پر آؤٹ ہوگئے ۔ اس وقت اسکور 140 رنز تھا جبکہ ایک رنز کے اضافے کے بعد ہی شاہد آفریدی 14رنز بناکر آؤٹ ہوگئے ۔ شعیب ملک کی جگہ حماد اعظم اور شاہد کی جگہ کرس گرین آجے لیکن حماد کو حسن نے صفر پر ہی آؤٹ کردیا۔ ٹیم کا مجموعی اسکور 141 رنز تھا جبکہ آگے لگاتار تین کھلاڑیوں کے آؤٹ ہونے کے بعد کل وکٹس کی تعداد 7ہوگئی۔ محمد الیاس نے حماد اعظم کی جگہ لی۔ ملتان سلطان کے کھلاڑی جیمس ونسے، عمر صدیق ،جانسن چارلس، شعیب ملک ، ڈینیل کرسچین، شاہد آفریدی، گرس گرین ، حماد اعظم، جنید خان، محمد الیاس اور محمد عرفان ۔ پشاور زلمی کی ٹیم کامران اکمل، امام الحق، عمر امین ، دیوڈ میلان، کیرون پولاڈ، لیام ڈاؤسن ، ڈیرن سیمی، وہاب ریاض، حسن علی، عمید آصف اور ثمین گل پوائنٹس ٹیبل اسکور بورڈ پر ایونٹ کی ناقابل شکست ٹیم کوئٹہ گلیڈی ایٹرز ہے جس نے اب تک 4 میچز جیتے ہیں ۔ اس طرح وہ  8 پوائنٹس کے ساتھ پہلے نمبر پر موجود ہے ۔ پشاور زلمی نے 4  سے دو میچز جیتے ہیں اور اس کے 4 پوائنٹس ہیں۔ ٹیبل پر اس کا نمبر تیسرا ہے۔ لاہور قلندرز 5 میں سے دو میچز جیت کر 4 پوائنٹس کے ساتھ چوتھے اور ملتان سلطانز 4 میچز میں سے ایک میچ جیت کر دو پوائنٹس حاصل کر کے پانچویں نمبر پر ہے۔

from کھیل - وائس آف امریکہ https://ift.tt/2NtDm1y