نائکوپ کی شرط صرف ’امیگرنٹ ورکرز‘ کے لئے ختم کی گئی ہے: زلفی بخاری

اب سے چند روز قبل حکومت کی جانب سے یہ خبر دی گئی تھی کہ بیرون ملک رہنے والے پاکستانیوں کے لئے پاکستان آنے کے لئے اب National Identity Card for Overseas Pakistanis یا نائکوپ کی ضرورت نہیں پڑے گی، بلکہ وہ صرف اپنا پاکستانی پاسپورٹ دکھا کر پاکستان میں داخل ہو سکتے ہیں۔ چونکہ اعلان غیر واضح تھا، اس لئے بیرون ملک مقیم پاکستانیوں میں اس بارے میں بہت سے سوالات اٹھنے لگے اور کافی confusion پیدا ہونے لگا۔ تاہم، اب اوورسیز پاکستانیوں کی وزارت نے اس بارے میں وضاحت جاری کردی ہے اور کہا ہے کہ نائکوپ کی شرط صرف ’امیگرنٹ ورکرز‘ کے لئے ختم کی گئی ہے؛ اور انکے علاوہ باقی بیرون ملک پاکستانی بدستور نائکوپ یا پھر ویزا دکھا کر پاکستان آ سکیں گے۔ ’وائس آ ف امریکہ‘ کے پروگرام ’جہاں رنگ‘ میں اوورسیز پاکستانیوں کے امور کے لئے وزیر اعظم کے مشیر ذوالفقار عباس بخاری یا زلفی بخاری نے پروگرام کے میزبان قمر عباس جعفری سے گفتگو کرتے ہوئے، یوں وضاحت کی (آڈیو رپورٹ سنئیے):    

from امریکہ - وائس آف امریکہ https://ift.tt/2QpwG8d