آسٹریا کی وزارت خارجہ پر سائبر حملہ

آسٹریا کی وزارت خارجہ نے اپنے ایک بیان میں کہا ہے کہ اسے سنگین سائبر حملے کا سامنا ہے۔ ہفتے کو رات گئے ایک بیان میں آسٹریا کی وزارت خارجہ کا کہنا تھا کہ سائبر حملہ بیرون ملک سے ہوسکتا ہے۔ فرانس کے خبر رساں ادارے اے ایف پی کی ایک رپورٹ میں بتایا گیا ہے کہ وزارت خارجہ کے بیان میں حملے کی نوعیت اور اس سے متعلق دیگر معلومات کا کوئی تذکرہ نہیں کیا گیا، ناہی اس بات کی تصدیق کی گئی ہے کہ حملے میں صرف وزارت خارجہ کو ہی ہدف بنایا گیا ہے اور کیا یہ کوئی ملک دشمن کاروائی ہے۔ بیان کے مطابق فوری طورپرحفاظتی اقدامات مکمل کرلئے گئے ہیں جب کہ اس سلسلے میں ایک رابطہ کمیٹی بھی تشکیل دے دی گئی ہے۔ حملہ اس وقت میں ہوا ہے جب ملک کے قدامت پسندوں کے ساتھ غیر معمولی اتحاد قائم کرنے کے حوالے سے اقدامات اٹھائے جارہے ہیں۔ ماضی میں ایسے سائبر حملے دیگریورپی ممالک میں بھی باقاعدہ ہدف لے کر کیے جاتے رہے ہیں۔ اے ایف پی کے مطابق 2018 میں جرمنی کے سرکاری آئی ٹی نیٹ ورک پر بھی سائبر حملہ ہوچکا ہے۔ یورپی ممالک کے اسپتالوں اور بینکوں کے نظام کوبھی سائبر حملوں کے ذریعے نشانہ بنایا جاچکا ہے جب کہ مختلف کمپنیز کے راز اور فنڈز بھی ان حملوں کے نتیجے میں چوری ہوچکے ہیں۔

from دنیا - وائس آف امریکہ https://ift.tt/2T0hf7k